जिल्ला युवा संञ्जाल अछामको बैठक बिभिन्न निर्णय गर्दै सम्पन्न ।।

0
605

कमल रावल, चैत ६, अछाम
जिल्ला युवा संञ्जाल अछामको बैठक विभिन्न निर्णय गर्दै मंगलसेनमा सम्पन्न भएको छ । संजालका जिल्ला अध्यक्ष होम साँउदको अध्यक्षतामा बसेको बैठकले नयाँ बर्ष २०७३ को अवसरमा युवा तथा बाल आवाज नामक पुस्तक प्रकाशन गर्ने निर्णय गरेको छ । जिल्लामा युवा तथा बालवालिकाका क्षेत्रमा भएका गतिविधी, लेख, रचना तथा विचार सबै माझ जानकारी गराउनका लागि र युवा तथा बालवालिकाको प्रतिभा प्रष्फुटनका लागि पुस्तक प्रकाशन गर्ने निर्णय गरिएको हो । बैशाख पहिलो सातामा विमोचन गर्ने गरी जिल्लाका १३ वटै ईलाका प्रमुख तथा सदस्यलाई आ आफ्नो तर्फबाट तयारी गर्नका लागि जिम्मेवारि समेत दिईएको संजालका सचिव कमल रावलले बताउनु भयो । साथै बैठकले सञ्जाललाई अझै विस्तार गर्दै लैजानका लागि सदस्यता वितरण गर्ने समेत निर्णय गरेको छ । बैठकले जिल्ला स्थित युवा, बालवालिका, लगायत अन्य सम्वद्ध पक्षले पनि आफ्ना लेख, रचना उपलब्ध गराई सहयोग गरिदिन र अन्य निकायलाई पनि सक्दो सहयोगका लागि अनुरोध गरेको छ । सोही अवसरमा सञ्जालले जिल्ला विकास समिती अछाममा स्थानिय विकास अधिकारी शिव प्रसाद हुमेगाई र सामाजिक बिकास अधिकृत खडक बिष्ट सँग परिचयात्मक तथा भेटघाट कार्यक्रम समेत गरेको छ । भेटघाटको क्रममा स्थानिय बिकास अधिकारी हुमेगाईले देशका परिवर्तनका सम्वाहक युवा भएकाले आगामि दिनमा युवाहरु सहि बाटो तिर अघि बढनु पर्ने बताउनुभयो । आफनो कार्यालयको तर्फबाट हुने सहयोग जहिले पनि निरन्तर भईरहने उहाँले बताउनु भयो । भेटघाटकै क्रममा सामाजिक बिकास अधिकृत खडक बहादुर बिष्टले जिल्लामा हुने हरेक क्रियाकलापमा युवाको सहभागिता बढाउनको लागि आफ्नो निरन्तर पहल कदम जारी रहेका बताउनु भयो । आगामि दिनमा जिल्लाका सरकारी तथा गैरसरकारी निकायले गर्ने युवा मुखी कार्यक्रममा युवा सहभागितालाई बढाउदै लैजानुपर्ने र आफ्नो तर्फवाट हुने सम्पूर्ण सहयोग युवाका लागि जारी रहने प्रतिबद्धता जनाउनुभयो । भेटघाट कार्यक्रममा जिल्ला युवा सञ्जाल अछामका अध्यक्ष होम साउद सहति सल्लाहकार सँयोजक मदन कुमार भुल, उपाध्यक्ष मेनुका ढुगाना, सचिव कमल कुमार रावल, कोषाध्यक्ष मिन बाब्ली, सह सचिव गोविन्द देवकोटा, दिपिका कुवर सबै ईलाकावाट प्रतिनिधित्व गर्ने सदस्यहरु र सल्लाहकार सदस्य लगायतको सहभागिता रहेको थियो ।

NO COMMENTS

LEAVE A REPLY